Presidenti i SHBA-së, Joe Biden ka thënë se presidenti ukrainas, Volodymyr Zelenskyy “nuk dëshironte ta dëgjonte” kur inteligjenca amerikane mblodhi informacione se Rusia po përgatitej të pushtonte.
Duke folur në një ngjarje për mbledhjen e fondeve demokrate në Los Angeles, Biden tha se e dinte se “shumë njerëz mendonin se ai po e ekzagjeronte”, kur tha se raportet kishin zbuluar se Vladimir Putin i Rusisë “do të dilte jashtë kufijve shtetëror me ushtrinë”.
“Nuk kishte asnjë dyshim,” tha Biden. “Dhe Zelensky nuk donte ta dëgjonte”, shtoi ai, raporton skynews.
Në javët para fillimit të luftës, më 24 shkurt, disa komentues thonë se Zelensky ishte ngritur publikisht pasi zyrtarët e administratës së Bidenit paralajmëruan vazhdimisht se një pushtim rus ishte shumë i mundshëm.
Kujtojmë se Putini ka deklaruar se po ndjek misionin e kthimit të “territoreve origjinale” që i kishin takuar Pjetrit të Madh.
Ndryshe, Rusia ka vazhduar edhe mbrëmë me sulme të vazhdueshme duke shkaktuar dëme materiale. /Telegrafi/
