Presidenti i SHBA-së, Joe Biden argumentoi se vrasja e kryetarit të Byrosë Politike të Hamasit, Ismail Haniyeh “nuk ndihmon mundësinë e një armëpushimi”
Presidenti i SHBA-së, Joe Biden argumentoi se vrasja e kryetarit të Byrosë Politike të Hamasit, Ismail Haniyeh “nuk ndihmon mundësinë e një armëpushimi”, transmeton Anadolu.
Sipas CNN, Biden bëri një deklaratë për media në bazën e përbashkët ajrore “Andrews”, ku priti tre shtetasit amerikanë që u kthyen në vend me operacionin e shkëmbimit të të burgosurve të menaxhuar nga Agjencia Kombëtare e Inteligjencës (MIT).
Duke iu përgjigjur pyetjes nëse vrasja e Haniyeh “ndikoi në mundësinë e një armëpushimi”, Biden tha: “Kjo nuk ndihmoi”.
Biden tha se ishte “shumë i shqetësuar” për përshkallëzimin e tensioneve në Lindjen e Mesme dhe se kishte një takim “shumë të qartë” me kryeministrin izraelit, Benjamin Netanyahu.
“Në takim isha shumë i qartë për këtë çështje. Ne kemi bazë për një armëpushim. Netanyahu duhet të hedhë hap. Edhe ata duhet të lëvizin menjëherë në të”, tha presidenti amerikan.
Shtëpia e Bardhë njoftoi se Bideni zhvilloi bisedë telefonike me Netanyahun.
Në deklaratë thuhej se Bideni e siguroi Netanyahun për sigurinë e Izraelit dhe se “Presidenti nënvizoi angazhimin e tij për sigurinë e Izraelit kundër të gjitha kërcënimeve nga Irani dhe degët e tij terroriste si Hamasi, Hezbollahu dhe Huthit”.
/AA/
