“Dhuro të Lartësohesh”, quhet panairi i cili startoi sot në Pogradec tek sheshi përpara pallatit te kultures. Ky panair është inciuar nga besimtaret myslimane të Pogradecit ,të cilat kishin ekspozuar në këtë panair piktura,ëmblëlsira, lule dhe disa produkte të tjera të cilat patën mundësi ti blejnë qytetarët.Të gjitha paratë që do të grumbullohen në këtë panair do të shkojnë për bamirësi për Qendrën Speciale ku mësojnë fëmijët me aftësi të ndryshme të qytetit të Pogradecit.
Falenderim për mbeshtetjen dhe për insiativën shprehu edhe drejtoresha e Qendrës Speciale e cila tha se mbështetja ndaj këtyre femijëve i’u shton atyre edhe më tepër dëshirën për t’u aktivizuar në projektet sociale.
Panairi do të jete i hapur edhe në ditët në vazhdim dhe do të zhvendoset gjithashtu edhe në shkollat e mesme të qytetit, si Muharrem Collaku apo Gjergj Pekmesi, ndërsa do të mbyllet me një ceremoni falenderimi.
