Prindërit e nxënësve të shkollës fillore “ Visar Krasniqi” në Drenoc të Malishevës kanë kërkuar largimin e arsimtares, Fatmire Bujupi pasi kjo e fundit mban shami.
Besa Ismaili, zëvendësdekane në Fakultetin e Studimeve Islame ka thënë se duhet të merren në përgjegjësi drejtoresha e shkollës në fjalë, si dhe për nxitjen e urrejtjes.
“Është një pikë e zezë për fshatin dhe shkollën kur një profesor e kalon gjysmën e e jetës në vendin e punës në vend se ta mirëpresë atë, i dalin kundër. Kjo është shkelje e të drejtave të njeriut”.
Ismaili në Info Magazine të Klan Kosovës ka thënë se çfarë do të ndodhte një arsimtar mund të jetë i komunitetit LGBT.
“Nëse një arsimtar mund të jetë i komunitetit LGBT, atëherë a duhet të ngriten prindërit për të reaguar”.
Sipas saj, ekstremistët fetar janë kundër shkollimit të Fatmires dhe kundër që ajo të punojë.
“Unë i urrej ekstremistët. Me rëndësi që unë dhe gjithë myslimanët që nuk mësojmë vetëm teologji, por edhe matematikë e fushat tjera”.
Sipas saj, në këtë rast nuk ka vend për shqetësim dhe se ata që kanë bërë konspiracion duhet të reflektojnë.
