Banka Botërore miratoi vendimin për të ofruar mbështetje financiare prej 1.69 miliardë dollarësh për 5 projekte në provincën Sindh të Pakistanit të prekur nga përmbytjet
Banka Botërore miratoi vendimin për të ofruar mbështetje financiare prej 1.69 miliardë dollarësh për 5 projekte në provincën Sindh të Pakistanit të goditur nga përmbytjet, transmeton Anadolu Agency (AA).
Sipas lajmeve në shtypin kombëtar, projektet që do të mbështesë Banka Botërore përfshijnë rehabilitimin, ndërtimin e shtëpive të reja, restaurimin e prodhimit dhe shërbimet shëndetësore për nënat dhe fëmijët.
Drejtori i Bankës Botërore për Pakistanin, Najy Benhassine deklaroi se provinca Sindh është goditur më së shumti nga përmbytjet këtë vit. Ai tha se mbështetja financiare ofron mundësi për Pakistanin për të forcuar përpjekjet e saj për të luftuar përmbytjet dhe për të reformuar institucionet dhe strukturat qeverisëse.
Më 12 dhjetor, Banka Aziatike për Zhvillim (ADB) miratoi paketën financiare prej 554 milionë dollarësh për Pakistanin për të mbështetur përpjekjet për rehabilitimin e përmbytjeve dhe rindërtimin.
Si pasojë e përmbytjeve që ishin efektive në periudhën qershor-tetor në Pakistan, rreth 1.740 persona humbën jetën dhe më shumë se 12 mijë persona u plagosën.
Përmbytjet shkaktuan mbi 30 miliardë dëme në Pakistan.
