Asdren Bytyçi nga Lista për Familje ka shprehur shqetësimin e tij lidhur me doracakun për lëndën e edukimit seksual në shkolla. Ai tha se është i brengosur që organizatat ndërkombëtare, të cilat ndjekin pikëpamje liberale dhe financojnë këto politika në shumë vende të botës, kanë arritur të kontrabandojnë përmes kësaj kurrikule një agjendë degjeneruese dhe shfrenuese për fëmijët, e cila nuk ka të bëjë fare me edukimin seksual shëndetësor. Bytyçi theksoi se kjo kurrikulë “ka për qëllim humbjen e ndjenjës së turpit te fëmijët”. Sipas tij, kjo është një agjendë ekstreme liberale që është përhapur në shumë vende perëndimore dhe po tentohet të futet edhe në Kosovë.
