Tetë persona janë arrestuar në kuadër të një operacion special të Eurojust-it dhe Europol-it që për cak kishte rrjetin e trafikantëve të migrantëve, ka raportuar gazeta belge “L’avenir”.
Operacioni është zhvilluar të martën në Bruksel, në Republikën Çeke, në Gjermani dhe në Britani të Madhe, transmeton Koha.net.
Rrjeti i trafikantëve është i përbërë kryesisht nga shtetas të Shqipërisë dhe të Republikës Çeke, të cilët kanë ndihmuar shqiptarët që të hyjnë ilegalisht në BE dhe në Britani.
Më 2013, grupi i trafikantëve të njerëzve ia kanë dalë që të transportojnë rreth 100 persona në Britani. Rrjeti ka shfrytëzuar dy rrugë kryesore – nga Turqia apo Greqia në Belgjikë e më pas në Ishull, apo nga Bullgaria a Serbia përmes Republikës Çeke dhe Gjermanisë.
