Armë të kapura nga amerikanët: nga dhe për ku?

Bëhet e ditur se janë sekuestruar 1400 pushkë dhe 226000 copë municione



Marina amerikane tha se kishte sekuestruar një varkë peshkimi që po kontrabandonte sasi të mëdha armësh dhe municionesh nga Irani në Jemen.

Anijet patrulluese amerikane zbuluan armë në bord në pjesën veriore të Detit Arabik të hënën, raporton AP.

Marinsat zbuluan 1,400 pushkë kallashnikov dhe 226,000 copë municione në bord ndërsa ekuipazhi përbëhej nga pesë qytetarë jemenas.

Në një deklaratë, Flota e Pestë e SHBA-së akuzoi Iranin për dërgimin e armëve përmes një rruge që është përdorur gjithmonë për të “kontrabanduar armë te huthinjtë në Jemen”.

“Dorëzimi, shitja ose transferimi i drejtpërdrejtë ose i tërthortë i armëve te grupimi Huthi shkel rezolutat e Këshillit të Sigurimit të Kombeve të Bashkuara dhe sanksionet e SHBA,” u tha në deklaratë.

Armët e konfiskuara u transferuan nga varkat patrulluese amerikane në destrojerin e raketave USS O’Kane dhe më pas e fundosën anijen e peshkimit për shkak të “rrezikut” që paraqet për lundrimin komercial.

Ekuipazhi jemenas u dërgua në Jemen. /tesheshi.com/