Ambasadorja e Kosovës në Itali, Alma Lama, me fjalë fyese ka reaguar ndaj storjes së KTV-së “Tregtia e Vitit – Alma Lama, ambasadore e Thaçit në Romë”.
Ajo e ka quajtur gazetarin e KTV-së Xhemajl Rexhën, si pseudogazetar që e ka ëndërr Beogradin.
“Per pseudogazetarin Xhemajl Rexha dhe KTV-ne qe mbreme paskan zbuluar se cila eshte “endrra”e shqiptareve te Shqiperise, por dhe albanofobine e tij: Definivisht eshte me mire te kesh enderr Romen, sesa te kesh enderr Beogradin qe e ka soji juaj”, ka shkruar Ambasadorja Lama.
“Interaktiv” në KTV, në emisionin e fundvitit raportoi se si Alma Lama, dikur kundërshtarja më e ashpër e Hashim Thaçit, i bëri kuorum që ai të votohej si president i Kosovës.
Ndërkaq në një postim të mëvonshëm ajo ka vazhduar me fyerjet, duke e quajtur të “ndryrë” storien e KTV-së. Ajo në postimin e dytë ka paralajmëruar “padi për shpifje” dhe, për siç ka thënë ajo, “dëmtim të reputacionit”.
