Jeffrey Hovenier ka përvojë të gjerë në Ballkanin Perëndimor
Jeffrey Hovenier është ambasadori i ri i SHBA-së në Kosovë pasi emërimi i tij u konfirmua në Senat.
Ky diplomat i karrierës u emërua nga Presidenti Biden në korrik.
Ambasadori Hovenier ka përvojë të gjerë në Ballkanin Perëndimor, përfshirë Kosovën. Ai ishte në delegacionin e SHBA-së gjatë bisedimeve të paqes në vitin 1999 dhe ka punuar në ekipin e Marti Ahtisaarit kur ky i fundit ishte i dërguari special i OKB-së për statusin e Kosovës.
Duke folur në Komisionin e Senatit për Marrëdhënie me Jashtë në tetor të këtij viti, Hovenier tha se “sfidat për shtetin e pavarur të Kosovës janë të mëdha”.
“Serbia i mbështet serbët në Kosovë, gjë që është e kuptueshme (Asosacioni i pretenduar – Bashkimi i Komunave Serbe), por gjithçka duhet bërë sipas Kushtetutës së Kosovës (që e ka rrëzuar këtë projekt të Beogradit ”, u tha ai senatorëve, si dhe Beogradit dhe Prishtinës.
“Kosova është një vend i lindur nga tmerret e shpërbërjes së ish-Jugosllavisë dhe spastrimi etnik i regjimit të Millosheviçit. Shtetet e Bashkuara kanë luajtur një rol të rëndësishëm, së bashku me partnerët tanë evropianë, në mbrojtjen e qytetarëve të Kosovës dhe mbështetjen e përpjekjeve të tyre për të krijuar një shtet multietnik dhe demokratik”, tha Hovenier.
Ai kujtoi “ai kishte fatin të merrte pjesë në këto përpjekje në kapacitete të ndryshme, duke përfshirë si anëtar i një ekipi të OKB-së të udhëhequr nga ish-presidenti finlandez Martti Ahtisaari, i cili zhvilloi ‘Planin e Ahtisaarit’ dhe hapi rrugën për pavarësinë e Kosovës“. Përveç në Kosovë, ai ka shërbyer edhe në Turqi.
Ai shtoi se Kosova është një nga vendet më proamerikane në botë dhe një partner i ngushtë. /tesheshi.com/
