Gjatë një vizite në manastirin, Manasije, kryetari i Serbisë, Aleksander Vuçiq u pyet në lidhje me deklaratën e kryetarit të Turqisë, Rexhep Tajip Erdogan, i cili premtoi se do ta intensifikojë lobimin për pavarësinë e Kosovës. Unë do të përpiqem të flas me të, pasi deri më 1 shtator, sipas marrëveshjes së Uashingtonit, të dy palët detyrohemi të mos lobojnë për njohje ose çnjohje. Nëse ata fillojnë aksionin e njohjes nga 1 shtatori, ose ndoshta para kësaj, ne do ta kundërshtojmë, theksoi Vuçiç. Serbia nuk është aq e vogël sa që nuk do të përpiqej të kundërshtonte, Na mbetet të luftojmë për vendin dhe popullin tonë. Erdogan është shumë i fuqishëm, ne nuk jemi, dhe shpresoj se ai do të zbutet, përndryshe do luftojmë për vendin tonë, tha Vuçiq. Erdogan disa ditë më parë u shpreh se ka për qëllim që Turqia t’i bëhet krah shteteve me të cilat ka marrëveshje të mira, duke nënvizuar këtu Kosovën, për të cilën u shpreh se do të zhvillojë një fushatë ndërkombëtare për njohjen e saj nga shtetet që nuk e kanë njohur pavarësinë e Kosovës.
