Agjencia Kundër Korrupsionit (AKK) ka reaguar të premten duke mohuar se shefi i saj, Hasan Preteni, po hetohet penalisht nga EULEX-i. “Në AKK kurrë nuk ka pasur dhe as që do të ketë keqpërdorime.
Gazeta ‘Lajm’ në numrin e sotëm të saj përmes kryeartikullit ‘EULEX-i heton Pretenin’, me tendencë skandaloze ka dezinformuar publikun dhe ka shtrembëruar skajshmërisht faktet dhe të vërtetën”, thuhet në reagimin e AKK-së.
“E vërteta e këtij rasti është se Preteni nuk është objekt i ndonjë hetimi penal, por thjeshtë ka qenë pjesë e një intervistimi nga zyrtarët e Policisë së Kosovës si reflektim i një ankese të bërë nga ana e organizatës Çohu, ku pjesë e intervistimit po ashtu kanë qenë edhe vetë aktivistët e organizatës Çohu”, thuhet ndër të tjera në reagim. /Telegrafi/kohaislame
