Aeroporti Ndërkombëtar i Louisvillit i vendosur në Kentaki, SHBA, do të quhet Aeroporti Ndërkombëtar i Louisville Muhammad Ali.
Emri do të ndryshohet për të nderuar sportistin e vdekur, humanitar dhe aktivist Muhammad Ali i cili u zgjodh si personaliteti sportiv i shekullit nga BBC.
Një njoftim u bë nga Qendra Muhammed Ali në Twitter:
Ne jemi të lumtur të ju njoftojmë se @ FlyLouisville do të ndryshojë emrin e saj në Aeroportin Ndërkombëtar të Louisville Muhammad Ali. Mbajtja e gjallë e trashëgimisë së Muhammedit në vendlindjen e tij që ai e donte kaq shumë është jetësore për misionin e Qendrës Ali.
çfarë dhurate e madhe për ditëlindjen e Kampionit!
Aliu lindi në Louisville dhe u rrit atje dhe kjo është një nder i përshtatshëm për një nga personalitetet më të mëdha të qytetit. Kryebashkiaku Greg Fischer i vlerësoi kontributet e Aliut për sportin dhe vendlindjen e tij.
Aliu ishte musliman dhe shpesh fliste me krenari për besimin e tij islam.
Ai u shpreh njëherë: “Gjithçka që bëj tani, e bëj për të kënaqur Allahun”
“Unë pushtova botën dhe nuk më solli lumturi. E vetmja kënaqësi e vërtetë vjen nga nderimi dhe adhurimi i Zotit. … Duke qenë një musliman i vërtetë është gjëja më e rëndësishme në botë për mua. Kjo do të thotë më shumë për mua sesa të jesh i zi apo të jesh amerikan “.
Allahu e mëshiroftë.
Burimi:ilmfeed.com/ Përktheu: KohaIslame.com
