Kardinali shqiptar Ernest Simoni, shprehet se ende nuk dihet ndonjë datë se kur Papa Françesku mund të vizitojë Kosovën
Sipas tij, vizita e Papës në Kosovë është çështje protokolli.
Këto deklarime kardinali shqiptar, i dërguar i posaçëm i Papa Françeskut, i dha në një konferencë për media të mbajtur në Rezidencën e Ipeshkvisë së Kosovës.
Në vijim, Simoni tha se është gëzim i madh për të kur kuptoi se Papa Françesku zgjodhi atë për të vizituar Prishtinën e për të dërguar urimet e tij.
“Gëzim i madh kur mora vesh nga i shenjti Papë që të vij në Prishtinë për të dërguar urimet e tij. Lutemi që dashuria e të madhit Zot të prekë zemrat e të gjithëve”, u shpreh Simoni. /tesheshi.com/
