Babait të Hashim Thaçit, Haxhiut dhe babait të Ramush Haradinajt, Hilmiut, u është njohur statusi i veteranit të Ushtrisë Çlirimtare të Kosovës (UÇK).
Komisioni qeveritar për njohjen dhe verifikimin e statusit të dëshmorit të kombit, invalidit të UÇK-së, veteranit, pjesëtarit të UÇK-së apo të internuarit të UÇK-së, ia ka njohur Haxhi S. Thaçi statusin e veteranit.
Babai i Thaçit, Haxhiu ka qenë ushtar i UÇK-së, në Zonën Operative të Drenicës, përkatësisht në Brigadën 112 “Arben Haliti”, transmeton ORAinfo.
Po ashtu, ky komision ia ka njohur statusin e veteranit të UÇK-së, Hilmi Haradinaj, i cili ka qenë ushtar në Zonën Operative të Dukagjinit, përkatësisht “Komanda dhe Shtabet Lokale”. /kohaislame
