Një vrasje e rëndë ka ndodhur në Pejë. Këtë e konfirmoi Shkodran Nikçi nga Zyra e Prokurorisë në Pejë.
Trupi i pajetë është gjetur në Zahaq të Pejës.
“Prokurori kujdestar ka dalë në vendin e ngjarjes mbrëmë pas mesnate ku kanë hasur në një trup të pajetë”, tha Nikçi. Ai shtoi se janë duke u zhvilluar hetime dhe duke u ndërmarrë të gjitha masat e nevojshme.
Burime të Telegrafit thonë se personi i vrarë dyshohet se është Qerim Kelmendi. Telegrafi mëson se trupi i pajetë i gjetur pas mesnate dyshohet se është vrarë me armë zjarri, pastaj është djegur.
