23 vjet më parë, forcat kriminale serbe kanë masakruar shqiptarë në fshatrat: Qyshk, Zahaq, Llabjan e Pavlan të Pejës

23 vjet më parë, më 14 maj  të vitit 1999 forcat kriminale policore dhe ushtarake të Serbisë së Milosheviqit në fshatrat Qyshk, Zahaq Llabjan e Pavlan të Pejës kanë ekzekutuar dhe më pas i kanë masakruar mizorisht 44 shqiptarë nga radhët e popullatës civile, në mesin e tyre edhe babanë e Agim Çekut, shef i SHP të UÇK-së. E tërë popullata ishte dëbuar nga fshati, ndërsa shtëpitë e tyre serbët i kishin rrënuar tërësisht.   Edhe kjo masakër e forcave serbe njihet për mizori, në radhë të parë si hakmarrje kundër Shefit të Shtabit të përgjithshëm të Ushtrisë Çlirimtare të Kosovës, Agim Çeku.

/kosovaelire/