Lëkundje të forta tërmeti janë ndjerë në disa qytete të Shqipërisë, kryesisht në zonë verilindore të vendit si Bulqizë, Burrel, por edhe në Lezhë, Tiranë e Durrës.
Ndërkohë që lëkundje më të lehta raportohen të jenë ndjerë edhe në qytetin e Beratit.
Sipas EMSC, përcjell tch, tërmeti ka qenë me magnitudë 5,1 dhe ka qenë me epiqendër 10 km në lindje të Burrelit, 38 km në verilindje të Tiranës, me thellësi 10 km.
Lëkundjet e forta të tërmetit janë ndjerë edhe në Malin e Zi, Kosovë, Maqedoni, po sipas EMSC, Qendrës Europiane-Mesdhetare të Sizmiologjisë, lëkundjet janë ndjerë edhe në Bosnjë-Hercegovinë.
