Burri ther me thikë gruan dhe hidhet nga kati i 7-të, detaje makabre nga krimi i dyfishtë në Librazhd

0
66

Qyteti i Librazhdit është tronditur nga krimi makabër i 53-vjeçarit Daut Gjokola.

Ai ka goditur me thikë bashkëshorten e tij Lule Gjokola, e cila nuk ka mundur t’u rezistojë plagëve të marra dhe ka ndërruar jetë.

Më pas në gjendje shoku, 53-vjeçari është hedhur nga kati i katërt i apartamentit të tyre në qendër të qytetit.

Mësohet se përpara ngjarjes tragjike, çifti ishte sapo ishte kthyer në shtëpi pas xhiros së mbrëmjes në Pedonalen e qytetit.

Në shtëpi ishte vetëm djali i tyre pasi vajza ndodhej në Tiranë.

Bëhet e ditur se vetëm pak minuta pasi janë futur në dhomën e tyre ka ndodhur ngjarja makabre, për motive që ende nuk janë zbardhur, ndonëse aludohet se shkak mund të ketë qenë xhelozia.

Viktima është gjetur me të paktën 15 goditje thike në kraharor, ndërkohë djali i tyre është gjetur në gjendje shoku.

Sipas opinion.al, 49-vjeçarja ka ndërruar jetë sapo ka mbërritur në spital për shkak të plagëve të shumta.