Rritet bilanci i viktimave si pasojë e zjarrit në qendrën tregtare në qytetit siberian, Kemerovo. Sipas mediave të huaja deri më tani janë të paktën 64 viktima, por pritet që numri i tyre të rritet.
Raportohet se shumica prej viktimave mendohet se janë fëmijë, ndërsa 10 persona të tjerë rezultojnë ende të zhdukur.
Zjarri nisi në katin e sipërm të kompleksit “Winter Cherry”, ndërkohë që shumë prej viktimave ishin në kinema.
Ende nuk dihet asgjë mbi shkaqet e zjarrit. Pamjet televizive treguan disa njerëz që hidheshin nga dritaret e qendrës tregtare, e cila ishte pushtuar nga tymi.
Sipas informacioneve të para dyshohet se çatia u shemb mbi dy kinema. Autoritetet vijojnë hetimet.
