YouTube bëri të ditur se do të heq të gjitha përmbajtjet që mohojnë Holokaustin dhe “ngjarjet tjera të dokumentuara të dhunshme”.
Ky është një ndryshim i rëndësishëm në politikën e kompanisë për t’u ballafaquar me kritikat se ndonjëherë me përmbajtjet e saj promovon gjuhën e urrejtjes dhe dhunën.
Qëllimi i këtij vendimi është të pastrohet ekstremizmi dhe gjuha e urrejtjes në këtë rrjet të popullarizuar.
Shërbimi i shkëmbimit të videove në internet në pronësi të Google gjithashtu deklaroi se do të heqë videot që përligjin ideologjinë naziste dhe promovojnë grupe që besojnë në epërsinë e tyre mbi të tjerët.
Përveç kësaj, do të hiqen edhe profilet e autorëve të video-incizimeve që disa herë kundërshtojnë politikat e reja të YouTube, madje edhe nëse drejtpërdrejt nuk i shkel./AA
