Mjekët nga universiteti ‘Rochester’, kanë zbuluar se përdorimi i xhenxhefilit, një mëlmesë tashmë e njohur, në sasi prej një të katërtës së lugës së çajit, ka larguar simptomat e të vjellës dhe të përzierjes tek të gjithë pacientët në studim
Me gjithë përdorimin e ilaçeve kundër vjelljes dhe përzierjeve, rreth 70 për qind e pacientëve pas marrjes së kimioterapisë vuajnë nga të vjellat dhe të përzierit. Mjekët nga universiteti ‘Rochester’, kanë zbuluar se përdorimi i xhenxhefilit, një mëlmesë tashmë e njohur, në sasi prej një të katërtës së lugës së çajit, ka larguar simptomat e të vjellës dhe të përzierjes tek të gjithë pacientët në studim. Dr. Xhulia Rajan, bashkë-autore e studimit, thekson se nga të vjellat në masë shumë më të vogël, kanë vuajtur të testuarit që kanë marrë doza të vogla të xhenxhefilit , ose një të katërtën ose gjysmën e lugës së çajit. Nga ana tjetër, pacientët që kanë raportuar për paraqitje të fortë të të vjellave dhe të përzierjeve, ishin ata që kishin marrë placebo. Studimet e mëhershme rreth ndikimit të xhenxhefilit tek te vjellat, kanë pasur rezultate kontradiktore, ndërsa arsyeja me siguri është se xhenxhefili nuk është dhënë para procesit të kimioterapisë.
