Presidenti serb, Aleksandar Vuçiq, ka thënë se situata në Kosovë është absurde, ndërsa ka deklaruar se ndonëse të gjithë serbët do të jepnin jetën për Kosovën, një numër i vogël do të donin të jetonin atje.
“Situata në Kosovë është absurde. Kosova është, siç ka thënë Tijaniqi, fjala më e shtrenjtë serbe apo vendi për të cilin të gjithë serbët do të jepnin jetën, por një numër i vogël prej atyre që nuk jetojnë në Kosovë e Metohi, ose pothuajse askush, nuk do të donte të jetonte atje. Kjo flet për paradokset tona dhe për situatën absurde. Situata është shumë më e rëndë seç ka qenë para 10 apo 20 vjetësh, dhe pakrahasueshëm më e vështirë sesa para 30 apo 60 vjetësh”, vlerësoi presidenti serb.
