Kryekuvendari Kadri Veseli ka paralajmëruar në mbledhjen e Këshillit Kombëtar për Integrim Evropian se në konsultim me kryeministrin javën e ardhshme do të emërohet ministri dhe zëvendësministri i Integrimeve Evropiane.
Gjatë këtij takimi, Veseli foli për procesin e liberalizimit të vizave dhe ka drejtuar kritika ndaj BE-së, e cila sipas Veselit padrejtësisht po i mbanë të izoluar kosovarët.
Ai tha se diskriminimi i BE-së ndaj kosovarëve ka ardhur si pasojë e përçarjes së klasës politike, sepse siç tha ai “Po të ishim ne të bashkuar ata do të na trajtonin më mirë”. /
