Personat në karrierë me një pozicion të mirë pune janë ata që kanë rrezikun më të lartë që të krijojnë varësi nga interneti, bën të ditur agjencia italiane e lajmeve “ANSA”, duke iu referuar një studimi të realizuar nga studiuesit e “Northampton Business School” dhe “Henley School of Business”.
Sipas specialistëve, kjo varësi sjell pasoja në shëndet si ankthi, depresioni, izolimi social etj. Në studimin e realizuar u përfshinë 516 individë nga 18-65 vjec me pozicione të ndryshme pune.
Me fjalë të pakta, ata që rrezikojnë më shumë nuk janë të rinjtë që ende nuk janë pozicionuar mirë në tregun e punës por pikërisht personat që tashmë e kanë një pozicion stabël e të mirëpaguar pune.
Në mbarë botën janë mbi 2 milionë persona që përdorin internetin për punë, për të hyrë në rrjetet sociale, për të kërkuar informacione të ndryshme etj.
