MARIB (AA) – Ushtria jemenase në koordinim me ushtrinë e Arabisë Saudite ka marrë aeroportin Al-Hudaydah, deklaroi komandanti ushtarak i Jemenit, Abu Zaraa al-Mahrami, raporton Anadolu Agency (AA).
Ai tha se forcat e tyre janë duke pastruar rrethin e aeroportit nga rebelët.
Agjencia mediale shtetërore Saba citoi një komandant ushtarak i cili konfirmoi se forcat qeveritare morën kontrollin mbi aeroport pas përleshjeve vdekjeprurëse me rebelët.
“Ushtria nacionale tërësisht kontrollon aeroportin Al-Hudaydah”, tha Abu Zaraa al-Mahrami.
Agjencia Saba bëri të ditur se rebelët e tjerë Huthi janë arratisur nga aeroporti.
Lideri i rebelëve Husa Mohamed al-Bakhiti tha se lufta për aeroportin ende zgjat në jug të aeroportit.
Javën e kaluar, ushtria e Jemenit, nën udhëheqjen e Arabisë Saudite nisi një operacion të madh për të marrë kontrollin e aeroportit Al-Hudaydah, që ishte nën kontroll të rebelëve.
