Pjesëtarët e grupit radikal majtist të ndaluar e kanë rrëmbyet prokurorin turk, Mehmet Selim Kiraz nga zyra e tij në ndërtesën e Gjykatës në Stamboll. Ata kanë kërcënuar me mesazhe në faqen e tyre në internet se do ta vrasin prokurorin nëse nuk plotësohen kërkesat e tyre. Prokurorin Mehmet Selim Kiraz e kanë rrëmbyer anëtarët e organizatës majtisten turke Fronti Revolucionar i çlirimit popullor (DHKP-C).
Ky Front e ka publikuar fotografinë e prokurorit me revole në kokë, kurse në prapavijë shihet flamuri i kësaj organizate. Duke i thirrur në Agjencinë Dogan, AFP raporton se në Gjykatë janë dëgjuar disa të shtëna. Sipas Reuters, në Gjykatë janë futur forcat e njesisë speciale, derisa personeli është evakuar nga ndërtesa.
