Zëvendës – kryeministri turk Beshir Atalaj deklaroi se diaspora hebraike qëndron pas protestave në parkun Gezi në Stamboll, njoftoi Agjencia private turke “Xhihan”.
“Fuqitë e huaja dhe diaspora hebraike qëndrojnë pas protestave kurse këto fuqi punonin me hov të madh që aksionet e protestave të rriten”, shtoi Atalaj.
Ai theksoi se edhe mediumet ndërkombëtare gjithashtu kanë pasur rol të madh në konspiracionin në Turqi. Ai, gjithashtu tha se ata të cilët mundohen t’ia ndalojnë rrugën e, siç tha, Turqisë së Madhe, nuk do të kenë sukses.
