Nga Turqia raportohet se nga një sulm me makinë-bombë, që për cak e kishte një makinë të policisë, janë plagosur së paku 12 vetë.
Zyrtarët thanë se sulmi i sotëm ndodhi në qytetin Dijarbakir, që është i banuar me popullatë shumicë kurde.
Ndër të plagosur ka edhe civilë.
Sot më herët gjatë ditës, dy oficerë të policisë janë vrarë gjatë përpjekes për çmontimin e një bombe të vendosur në rrugë, në provincën lindore Van, ka raportuar agjencia e lajmeve, Anatolia, që udhëhiqet nga shteti.
Dhuna në pjesën juglindore të Turqisë ka shënuar përshkallëzim, prej korrikut të vitit 2015, kur u shkatërrua proces i ndjeshëm paqësor ndërmjet qeverisë dhe kryengritësve të Partisë Punëtore të Kurdistanit (PKK), që në Turqi është e jashtligjshme.
Prej atëherë, janë vrarë qindra njerëz, përfshirë edhe pjesëtarë të forcave të sigurisë
