Forcat turke të sigurisë kanë arrestuar 150 të dyshuar në operacionet e përqendruara në provincën e Izmirit për lidhje të dyshuara me organizatën terroriste FETO, grupi që qëndron pas grusht shtetit të mposhtur të vitit 2016, raporton Anadolu Agency (AA).
Operacionet u zhvilluan në 53 provinca në vend dhe Republikën Turke të Qipros Veriore (TRNC), me Zyrën e Kryeprokurorit Publik në Izmir që lëshoi urdhër për arrestimin e gjithsej 184 të dyshuarve, prej të cilëve 123 në detyrë.
Kolonelë, si dhe togerë, majorë, kapitenë, rreshterë dhe rreshterë specialistë ishin midis atyre që u kërkuan në operacionet kundër infiltrimit të FETO në Forcat e Armatosura Turke, sipas zyrës së prokurorit.
Të dyshuarit akuzohen për komunikim me “imamët e fshehtë” të FETO-s, operativë të lartë të organizatës terroriste.
Rreth 39 të dyshuar i përkasin forcave tokësore, ndërsa 97 ishin nga forca ajrore, gjashtë nga marina, katër nga xhandarmëria dhe 38 ishin të diplomuar në shkollat ushtarake që u shpërndanë pas përpjekjes për grusht shteti.
Organizata terroriste FETO dhe udhëheqësi i saj me qendër në SHBA, Fetullah Gulen, orkestruan grushtin e shtetit të mposhtur më 15 korrik të vitit 2016, i cili la 251 njerëz të martirizuar dhe 2.734 të plagosur.
FETO qëndron pas një fushate të gjatë për të përmbysur shtetin përmes infiltrimit në institucionet turke, veçanërisht në ushtri, polici dhe gjyqësor.
