Dy zyra të Partisë për Drejtësi dhe Liri, janë shkatërruar të premten në kohën kur gjithandej Egjiptit po protestohet kundër presidentit Mohamed Morsi.
Ky subjekt politik është aleat i Vëllezërisë Mysliman, të cilës i takon Morsi.
Pamjet televizive tregonin flakën dhe tymin që dilnin nga zyrat e partisë në qytetet Aleksandri dhe Aga.
Zëdhënësi i Vëllezërisë Myslimane, ka thënë se prapa këtij sulmi qëndrojnë njerëzit e regjimit të dikurshëm të presidentit Hosni Mubarak.
Dhjetëra mijëra njerëz ndërkaq kanë protestuar gjatë ditës në Kajro në mbështetje të presidentit Morsi.
Këto protesta dhe kontra-protesta po zhvillohen pak para demonstratave të së dielës, kur festohet njëvjetori i Morsit si president. /bs/kohaislame
