- Punonjësit në distancë kanë pasur ditë pune më të gjata se kurrë më parë gjatë pandemisë COVID-19, por më shumë orë pune nuk rritin domosdoshmërisht produktivitetin.
- Puna e tepërt lidhet me një fenomen ku një punonjës nuk punon shumë, ose nuk punon në kapacitetin e tij të plotë, pavarësisht se është në punë.
- Punonjësit e lodhur ose të shpërqendruar u kushtojnë punëdhënësve miliarda çdo vit.
Kalimi në punën në distancë gjatë pandemisë supozohej të nxiste ekuilibrin punë-jetë personale për punonjësit, por këta të fundit kaluan më shumë kohë duke punuar nga shtëpia gjatë pandemisë COVID-19 sesa kur punonin në ambientet e zyrave. Më poshtë janë dy problemet kryesore që lidhen me përpjekjen për t’u dukur se keni më shumë punë se kolegët tuaj.
Problemi # 1: Të dukeni sikur jeni i zënë me punë është ndryshe nga të qenët i zënë me të vërtetë
Ju mund të mendoni se puna me orë më të gjata është mënyra e duhur për t’i treguar kompanisë tuaj se jeni të përkushtuar, por nuk është domosdoshmërisht një avantazh për ju ose ata.
Studimet kanë treguar se punonjësit që punojnë më shumë se 55 orë në javë rrisin ndjeshëm rrezikun e vdekjes në krahasim me punonjësit që punojnë 40 orë/javë.
Punonjësit gjatë pandemisë e rritën ditën e tyre të punës me gati 40% në SHBA. ose me tre orë shtesë në ditë. Kjo do të thotë që amerikanët po punonin 11 orë /ditë, që ishte shumë më tepër sesa punonjësit që punonin në zyra.
Për ata që besojnë se të qenët në dispozicion 24/7 pa ndalim është një tregues i angazhimit tuaj, duhet të lexojnë fjalinë e mëposhtme dhe pse jo ta marrin në konsideratë: Produktiviteti bie ndjeshëm pas 50 orë pune në javë (dhe më shumë kur shkon në 55 orë); këmbëngulja juaj për të vazhduar punën, nuk është e dobishme për askënd.
Problemi # 2: Jo vetëm që nuk kursehen para por në fakt i detyron punëdhënësit që të shpenzojnë shumë të mëdha parash
Sipas Harvard Business Review ka nga ata punonjësit që paraqiten për të punuar pavarësisht se a japin më të mirën e tyre apo jo. Pavarësisht nëse është për shkak të gjendjes shëndetësore, mungesës së përqendrimit ose kushteve të tjera mjekësore, produktiviteti bie kur punonjësit nuk janë plotësisht të pranishëm. Dhe kjo është një kosto e shtuar për kompanitë:
Punonjësit e lodhur mund t’u kushtojnë punëdhënësve 1,200 $ deri në 3,100 $ për punonjës në uljen e performancës së punës çdo vit. Kjo është 136 miliardë dollarë në vit humbje si pasojë e mungesës së produktivitetit.
Punonjësit të cilët shikojnë ndeshje futbolli online mund t’u kushtojnë kompanive miliarda dollarë edhe pse punonjësit janë fizikisht të pranishëm në zyrë. Punonjësit që punojnë të sëmurë i kushtojnë punëdhënësve rreth 150 deri 250 miliardë dollarë.
Si punonjësit dhe kompanitë mund ta zgjidhin këtë problem
Pavarësisht studimeve që tregojnë se punonjësit mund të jenë produktivë në shtëpi, kompanitë po bëjnë thirrje që punonjësit të kthehen në zyrë për të nxitur kreativitetin dhe për t’ju kthyer normalitetit.
Nëse drejtuesit nuk ndihen mirë, ata duhet të qëndrojnë në shtëpi dhe të mos punojnë kur janë të sëmurë. Duke qëndruar në shtëpi, u dërgon një mesazh punonjësve që nëse nuk jeni në ditën tuaj më të mirë, është më mirë të qëndroni në shtëpi. / The Ladders
