Komisioni për Lustrimin në Maqedoni deri të premten në faqen zyrtare do të publikoj emrat e 11 ish-bashkëpunëtorëve të shërbimeve sekrete në të kaluarën.
Sipas Komisionit për hapjen e dosjeve, përveç emrave do të publikohen edhe materialet dëshmuese që disponon komisioni mbi involvimin e këtyre personave publik si ish-spiunë të shërbimeve të kaluara sekrete, kryesisht ish-UDB-së jugosllave.
Ligji i ri mundëson shpalljen publike të të gjithë bashkëpunëtorëve të shërbimeve të kaluara sekrete. Siç mëson agjencia e lajmeve INA, në listën e 11 personave të shpallur si spiunë janë edhe tre personalitete publike shqiptare. (INA)/kohaislame
