Sirianët që plagosen në luftimet e ndryshme në terren si rrugëzgjidhje shikojnë ardhjen në Turqi.
I ashtuquajturi armëpushim në Siri po lë prapa sot ditën e 18-të, por përleshjet në terren vazhdojnë ende.
Në Turqi kanë ardhur edhe 8 sirianë të tjerë të plagosur në këto përleshje.
Zhvillimet në Siri kanë shkaktuar rënie edhe të qarkullimit të udhëtarëve dhe mallrave në pikën e kalimit kufitar Turqi-Siri, Xhilvegëzy (Cilvegözü).
Administrata e Asadit vazhdon të mos i mbajë premtimet edhe pse e pranuar Planin Anan.
Nga terreni vazhdojnë të vijnë lajme për përleshje me armë zjarri pavarësisht armëpushimit të shpallur.
Sirianët që plagosen në këto luftime si rrugëzgjidhje shikojnë ardhjen në Turqi.
8 të plagosur sirianë u shtruan për mjekim dhe kurim në spitalin shtetëror Rejhanlli.
2 nga të plagosurit sirianë në gjendje serioze u transferuan për në spitalin shtetëror të Antakias.
Ndërkohë vazhdojnë të vijnë në Turqi edhe sirianë që largohen nga kaosi dhe përleshjet me armë në vendin e tyre.
11 sirianë, prej të cilëve 1 ushtarak, hynë në Turqi nga kufiri afër nënprefekturës Jajladaë (Yayladağı) e provincës së Hatajit (Hatay).
Nga ana tjetër situata konfliktuale në Siri e shfaq ndikimin e saj edhe në pikat e kalimit kufitar ndërmjet dy vendeve.
Shoferët e maunave pavarësisht shqetësimeve dhe zhvillimeve në terren kalojnë në Siri dhe prej këtu shkojnë në vendet e Lindjes së Mesme./trt/kohaislame
