I ashtuquajturi sekretar i Ministrisë për Kosovën në Qeverinë e Serbisë, Oliver Ivanoviq, ka thënë të martën se përkundër mbajtjes së zgjedhjeve lokale në komunat e Zveçanit dhe Zubin Potokut, strukturave komunale të këtyre komunave ligjërisht u ka kaluar mandati.
Ai ka paralajmëruar formimin e Këshillave të përkohshme në këto komuna, duke ndërruar strukturat komunale sipas formës që është paraparë me Ligjin për vetëqeverisjen lokale.
“Mendoj se Këshillat e përkohshme dhe kryetarët e këtyre Këshillave do të kryenin funksionin e kryetarëve të komunave”, ka thënë Ivanoviq.
Ai nuk sheh asnjë kuptim nga mbajtja e zgjedhjeve lokale para dy ditëve, përveç, siç u shpreh ai, frikës së disa individëve apo edhe partive politike të mos mbeten në margjinat e ngjarjeve nëpër komunat e tyre. /kosovapress/kohaislame
