Të enjten avioni Solar Impulse, i cili punon me bateri diellore, kreu një fluturim nga qyteti amerikan i Phoenix (shteti i Arizona-s) në Dallas (shteti i Texas), duke përshkuar në sajë të energjisë diellore 1500 kilometra në një fluturim të vetëm, çka përbën për të një distancë rekord fluturimi. Shpejtësia mesatare gjatë fluturimit ishte 84 km/h.
Në qershor të vitit të kaluar avioni në fjalë kreu fluturimin e tij të parë ndërkontinental nga Zvicra në Marok, duke përshkuar distancën prej rreth 2.500 km në dy faza. Në fazën e parë të fluturimit, nga Zvicra në Spanjë, avioni përshkoi 1.100 kilometra.
