Burri yt nuk kërkon nga ti asgjë të veçantë, por ai kërkon nga ti të përkujdesesh për disa gjëra të thjeshta që do të bëjnë të lumtur ty, fillimisht, e pastaj edhe atë së bashku me ty. Prandaj përcjelli këto këshilla dhe nuk do të pendohesh asnjëherë:
- Bëje të ndjehet se ai është mbret në jetën tënde dhe se nuk ka burrë sikurse ai në botë. Kudo të jesh me të, ku ka burra përreth, ule kokën tënde dhe ule shikimin tënd, pastaj thuaji atij, pse ta shikoj tjetrin, kur sytë e mi nuk shohin bukuri dhe sjellje më të mirë se sa tuat?!
- Paraqite përkujdesjen tënde dhe frikën e vazhdueshme për të, derisa edhe nëse mes jush ka mospajtime, mos harro ta qetësosh kur të niset për në punë apo kur të kthehet në shtëpi. Përgatitja ushqimin të cilin ai e preferon dhe tento që të jetë i kënaqur me gatimin tënd!
- Prite kur të vjen në shtëpi duke qenë e zbukuruar dhe parfumuar dhe buzëqeshur. Shtoja atyre edhe përqafimin e tij kur hy apo kur del nga shtëpia, pa e anashkaluar edhe lutjen për të dhe përcjelljen e tij deri te dera!
- Mos e përmend familjen e tij vetëm se për të mirë, edhe nëse sjellja e tyre ndaj teje është e keqe, ti ktheja atyre me të mirë. Nëse burri ka mospajtim me familjen e vet, ti tento t’ia afrosh ata, e jo t’i largosh nga njëri-tjetri!
- Përkujdesu për shtëpinë dhe pastërtinë dhe rregullimin e saj. Përkujdesu për mikpritjen e mysafirëve ashtu si i ka hije, dhe po ashtu duhet të përkujdesesh për pastërtinë e fëmijëve.
- Kur ai niset për në udhëtim, shkruaji atij një letër ku në të e shpreh pikëllimin tënd për të. Parfumoji rrobat e fjetjes së tij me parfumin tënd që ta bësh të të rikujtojë gjatë udhëtimit.
Nga arabishtja: Irfan JAHIU
