Pyetje:
Si duhet t’i japim selam të vdekurit në varrin e tij. Disa njerëz afrohen tek varri i të vdekurit dhe bëjnë dua për të. Disa ngrehin duart dhe bëjnë dua për të vdekurin.
Cila është mënyra më e saktë dhe e lejuar të veprohet në këtë rast, sipas sheriatit Islam?
***
Përgjigje:
I jep selam të vdekurit njejt sikurse të gjallit.
E kthen fytyrën kah varri i tij dhe thua: “Eselamu alejke ue rahmetullahi ue berekatuhu ja fulan ibni fulan” që domethënë: “Paqja, mëshira dhe bereqeti i Allahut qoftë mbi ty filan i biri filanit.”
Dhe pastaj, nëse dëshiron të bësh dua për të, që Allahu t’ia falë mëkatet, afrohesh tek varri i tij, kthehesh në drejtim të kibles, e lut Allahun ta falë, mëshirojë.
Nuk ka asgjë të keqe edhe nëse i ngreh duart gjatë bërjes së duasë.
Shejh Dr. Salih bin Feuzan el Feuzan,- Allahu e ruajtë.
Përktheu: Suad B. Shabani
