Procesi gjyqësor për presidentin e rrëzuar të Egjiptit Muhammad Morsi, është shtyer për në fillim të janarit, pas pengesave nga Morsi dhe 14 të akuzuar të tjerë të Vëllazërisë Myslimane.
Gjykatësi e ndërpreu seancën pasi të akuzuarit thirrën “Poshtë regjimi ushtarak!”.
Morsi vetë deklaroi, “Unë jam presidenti legjitim dhe i kërkoj gjykatës t’i japë fund kësaj farse”.
Mbështetësit e Morsit po protestonin jashtë ndërtesës së gjykatës, në kohën sa mbahej seanca.
Morsi dhe të tjerët ballafaqohen me akuzat e shpifura gjoja për vrasjen e protestuesve në përleshjet e vitit 2012.
Ata mund të dënohen me vdekje ose heqje të përjetshme të lirisë, nëse shpallen fajtorë.
Morsi u bë president në vitin 2012, përmes një procesi demokratik.
Ai u rrëzua nga ushtria në korrik, me një puç ushtarak të komplotuar mirë ndaj tij.
