Shtohet numri i vetëvrasjeve tek ushtarët amerikanë

Raportet më të fundit dëshmojnë për shtimin e vetëvrasjeve në mesin e ushtarëve amerikanë.
Kanali televiziv Press TV në një njoftim të tij thotë se në vitin 2012 janë regjistruar 323 raste të vetëvrasjeve në mesin e ushtarëve amerikanë. Shkaku kryesor i këtyre vetëvrasjeve është prania në zonat e luftës. Funksionarë ushtarakë të Amerikës janë shprehur të shqetësuar mbi këtë fakt. Ndërkohë analistët për shtimin e vetëvrasjeve në mesin e ushtarëve amerikanë thonë se kjo është rezultat i pamundësisë së ushtrisë amerikane në trajnimin e ushtarakëve të saj.