Edhe zyrtarisht, presidenti i Maqedonisë, Georgi Ivanov, ka kërkuar nga shteti kosovar, që të quajturit maqedonas musliman që jetojnë në Gorë, të njihen si kategori kushtetuese.
Kërkesën për këtë presidenti maqedonas e ka bërë përmes një shkrese zyrtare të cilën ia ka dërguar presidentes së Kosovës, Atifete Jahjaga.
Burimet e Koha Ditore brenda kabinetit të presidentes Jahjaga kanë treguar për gazetën se kërkesa e presidentit Ivanov, është që rreth 30 mijë qytetarë që e mbajnë veten si maqedonas myslimanë të hyjnë si kategori kushtetuese. Por kjo kërkesë nuk ka marrë përgjigje pozitive nga presidentja Jahjaga. /kohaislame
