Ministri i Jashtëm i Serbisë, Ivica Daçiq, ka kaluar një situatë jo të këndshme gjatë një vizite të tij zyrtare në Burkina Faso, kështu që ai duhej të kërkonte ndihmën e mjekëve, të cilët u desh që t’i vendosnin atij në infuzion.
Siç shkruajnë mediat serbe, gjatë një turneu diplomatik në Afrikë, Daçiq përjetoi një dramë të vërtetë kur u sëmur – shkak për të cilën gjë thuhet të ketë qenë specialiteti lokal që ai kishte ngrënë.
Daçiq, siç shkruan Kurir, ishte keq pasi thuhet se kishte ngrënë gullash nga mishi i dhisë, që thuhet se është një specialitet në Burkina Faso, por kur mori infuzionin, gjendja e tij u përmirësua.
“Ai shpesh udhëton në vendet afrikane sepse është pjesë e një strategjie për të “zvogëluar” numrin e vendeve që e kanë njohur Kosovën”, shkruan tutje Kurir.rs.
Një gjë të tillë e ka konfirmuar edhe vetë Daçiq.
“Isha i lodhur. Natyrisht unë hëngra diçka që trupi im nuk ishte i mësuar. Unë nuk e di se çfarë, ndoshta ushqim apo kush e di. Klima e Afrikës është e ndryshme. Nuk e di nëse kjo është për shkak të ndryshimeve klimatike ose të disa erëzave të forta. Është e vërtetë që unë kam qenë i rraskapitur për disa orë, por kur mora infuzionin, u bëra më mirë”, citohet të ketë thënë Daçiq.
