Refleksi baroreceptor është një fenomen që për vite të tëra i ka bërë kuriozë edhe vetë mjekët.
Ky refleks kontrollohet nga neurone të specializuara që reagojnë në fraksion sekonde për të mbajtur presionin e gjakut në nivelin e duhur.
Për shembull, kur ngrihemi në këmbë, presioni i gjakut bie menjëherë.
Por ne nuk na bie të fikët pikërisht falë baroreceptorëve, të cilët “urdhërojnë” zemrën të rrisë numrin e rrahjeve dhe të pompojë më shumë gjak drejt trurit.
Një studim i ri i publikuar në “Scripps Research” ka zbuluar dy proteina që ndiejnë presionin e gjakut dhe ndihmojnë në kontrollin e refleksit të baroreceptorëve.
Studimi është i pari i këtij lloji që zbulon saktësisht se si sensi i ndryshimit të presionit punon në rastin e këtyre qelizave.
Dy këto proteina PIEZO1 dhe PIEZO2 janë përgjegjëse për ndjesinë e presionit në mushkëri dhe lloje të ndryshme dhimbjesh. PIEZO1 ndihmon gjithashtu që qelizat e kuqe të gjakut të mbajnë formën e tyre.
Shkencëtarët mendojnë se PIEZO 1 dhe 2 mund të përdoren për qëllime terapeutike për të trajtuar hipertensionin që u reziston trajtimeve të tjera.
