Gjiganti i teknologjisë, Samsung, ka vendosur që të unifikojë skemën e saj të emërtimeve – së pari ishte Note, pastaj seria A e deri te ajo e avancuar – S.
Duket se seria J është në radhë për ri-brendim, sipas uebfaqes së njohur Geekbench në të cilën është shfaqur një pajisje e re e Samsungut me numër të modelit SM-J800FN, transmeton Koha.net. Telefoni i ri ka procesor Exynos 7870, 3 GB RAM memorie dhe punon me sistemin operativ Android Oreo, shkruan GSM Arena.
Gjithashtu, sipas Geekbench, telefoni mund të jetë Galaxy J8 (2018) i cili vjen me grafikën Mali-T830, dy kamera prej 16 megapikselë dhe mundësinë për të incizuar videot Full HD.
