Në fundjavë, një vajzë 15 vjeçe, përderisa po lëvizte përballë ndërtesës ku jeton në rrugën “Vetim Shala” në Prizren, befas ka ndjerë dhimbje në këmbën e majtë e më pas ka vërejtur t’i rridhte gjak nga këmba.
Në Spitalin Rajonal në Prizren e njëjta është trajtuar nga mjekët të cilët i kanë rekomanduar operacion për nxjerrjen e plumbit nga këmba.
Policia pasi është vënë në dijeni për rastin ka dalë në vendin e ngjarjes dhe ka nisur me hetimin e rastit.
Dyshohet se plumbi ka qenë i shkrehur nga arma ende e panjohur i cili ka ndërruar trajektoren pasi ka goditur ndonjë objekt të fortë dhe ka përfunduar në këmbën e viktimës.
Lidhur me rastin është informuar prokurori i shtetit i cili ka autorizuar policinë që t’i kryej hetimet.
Policia në Prizren edhe një herë apelon tek poseduesit e armëve të mos i përdorin ato në ahengje të ndryshme sepse të njëjta shumë herë kanë vrarë e plagosur njerëz të pa fajshëm.kohaislame
