Lëkundje me magnitudë 3.3 të shkallës Rihter janë ndjerë në qytetin e Fierit të dielën në mbrëmje. Lëkundjet nuk kanë shkaktuar dëme por vetëm panik tek banorët.
Epiqendra e tyre është 3 kilometra nën tokë, në veri të qytetit, në anë të lumit Vjosa, pranë fshatit Mbrostar. Ditët e fundit ka pasur lëvizje sizmike të ndjeshme, njofton Top Channel.
Disa tërmete me fuqi deri në 3.4 ballë të shkallës Rihter me epiqendër qytetin e Kerviocës, në Maqedoni, janë ndjerë deri në Shqipëri.
Ndërkohë, një tërmet me fuqi 3.4 ballë është ndjerë në qytetin e Orikumit dhe epiqendrën e kishte 13 kilometra nën det. /Telegrafi/kohaislame
