Anëtarja e Parlamentit Evropian nga Sllovenia, Tanja Fajon, ka deklaruar se Bashkimi Evropian po përpiqet ta gjejë “një mekanizëm për vënien e përkohshme të regjimt të vizave për vendet e treta dhe se kjo mund t’i ndodhë edhe Serbisë”.
“Në fillim të vitit të ardhshëm do ta miratojmë një mekanizëm të tillë dhe pas kësaj, disa vende do të kërkojnë vënien e vizave”, tha Fajon për mediat sllovene dhe shtoi se “kjo mund t’i ndodhë Serbisë”.
Mëtutje ajo theksoi se “kjo ka të bëjë, para se gjithash, me vendet e Ballkanit Perëndimor” dhe shtoi se presioni i vendeve anëtare të Bashkimit Evropian është shumë i madh, për shkak të paraqitjes së numrit të madh të azilkërkuesve.
