Modeli Mercedes GLA është prezantuar para dy viteve, ndërsa gjenerata e dytë e këtij Crossoveri do të arrijë në vitin 2019.
Sipas informatave të para, GLA i ri do të jetë më i madh dhe do të ofrojë më shumë hapësirë për kokën dhe këmbët e pasagjerit, transmeton Koha.net. Pikërisht kjo është ajo çka i mungon modelit aktual.
Mercedesi GLA i ri do të ketë platformën MFA 2 dhe në ofertë do të ketë në dispozicion marshin automatik me nëntë shpejtësi dhe me komplung të dyfishtë.
Spekulohet se ky model do të ofrohet edhe në version plug-in hibrid dhe në version Coupe, duke u bazuar në modelet GLC Coupe dhe GLE Coupe.
