Me sa duket, Samsung ka bërë gati edhe një model të ri të telefonit Galaxy S, përkatësisht modelin Samsung Galaxy S4 Mini, i cili thuhet se do të paraqitet në treg pak kohë pas lansimit zyrtar të Samsung Galaxy S4
Sipas një raporti të fundit, thuhet se Samsung Galaxy S4 është në përgatitje nga kompania me emrin Project J, projekt i cili përfshin tri pajisje: Samsung Galaxy S4, Samsung Galaxy S4 Mini, dhe një pajisje tjetër mobile për të cilën nuk dihet asgjë për momentin.
Bazuar në pohimet e Sammobile, Samsung Galaxy S4 do të vijë me ekranin e ndjeshëm në prekje me 4.99 inç në teknologjinë AMOLED me rezolucion prej 1920 x 1080 pikselëve, ndërsa Samsung Galaxy S4 Mini pritet të ketë ekran me diagonale prej 4 inç dhe rezolucion prej 1280 x 768 pikselëve. / Telegrafi /
