Një gjykatës britanik vendosi në favor të kompanisë koreane Samsung Electronics në një kontest gjyqësor që kjo e fundit kishte me gjigantin kompjuterik Apple.
Gjykatësi Kolin Birs tha se tableta Galaxy Samsung nuk ka nëpërkëmbur dizajnin e iPad-it të kompanisë Apple, për të cilën edhe u padit Samsung.
“Ata nuk e kanë thjeshtësinë e skajshme që e ka dizajni i Apple-it,” tha Birs.
Të dy kompanitë janë përballur me njëra-tjetrën në gjykata në rreth 10 vende, derisa po konkurrojnë në tregun e tabletës fitimprurëse.
Samsung e mirëpriti fitoren, duke e akuzuar Apple se ka bërë “pretendime të tepërta ligjore” bazuar në “dizajnet e përgjithshme.”
Apple tha se produktet e Samsung-ut janë “kopjim transparent” dhe u zotua se do të vazhdojë me padi tjera.kohaislame
